Hólar 001.jpg

Dásamleg

dekurhelgi á Hólum

Í vetur ætlum við að bjóða upp á spennandi og notalegar dekurhelgar sem henta hvort heldur er einstaklingum, pörum eða hópum. Fólk mætir þá seinnipart föstudags og dagskrá lýkur stuttu eftir hádegi á sunnudeginum. Helgarnar byrja á föstudagskvöldi á bjórsmakki og kvöldsnarli, eftir það verður boðið upp á línudansnámskeið til þess að hrista hópinn saman og búa til skemmtilega stemningu og hrista úr sér vikuþreytuna.

 

Daginn eftir byrjum við á morgunverði og svo er haldið í gönguferð um Hólaskóg og nágrenni sem er í útjaðri þorpsins með sérlega fróðum heimamanni sem gjörþekkir skóginn og sögu svæðisins. Svo verður boðið upp á hádegismat. Á völdum dagsetningum býður Sr. Solveig Lára Guðmundsdóttir upp á para- og hjónabandsráðgjöf í hinni einstöku Auðunarstofu. Panta þarf tíma fyrir ráðgjöfina þegar komið er á staðinn.

Seinnipart laugardagsins verður sannkölluð matarupplifun þar sem þemað er villibráð á Hólum. Gestum er þá kennt hvernig villibráðin er meðhöndluð en aðalhráefnið er gæs og hreindýr. Um kvöldið verður svo stórkostlegur villibráðarkvöldverður borinn fram á veitingastaðnum Kaffi Hólum.

 

Sunnudagurinn er hafinn í rólegheitunum með morgunverði og í kjölfarið verður núvitundarnámskeið og æfingar tengdar því. Þá er í boði helgistund í Hóladómkirkju. Þetta er fullkominn endir á skemmtilegu helgarnámskeiði og skilur fólk eftir í ró og kyrrð. Eftir hádegismat lýkur formlegri dagskrá. Við mælum með því að taka heimferðina í rólegheitunum og nýta daginn til þess að skoða svæðið, kíkja í bakaríið á Sauðárkróki eða til dæmis skella sér í sund á Hofsósi.

 

Dekurhelgarnar í vetur eru tilvaldar fyrir pör, hjón, einstaklinga sem og fyrirtækja- eða vinahópa og gefa gestum nasaþefinn af því hvernig Hólastemningin er. Einnig höfum við tök á því að klæðskerasníða helgarnar fyrir fólk en við erum í sambandi við góðan hóp af hæfileikaríku fólki á svæðinu sem býður upp á fjölbreytta afþreyingarmöguleika.

EVENTS

Dekurhelgi á Hólum
Fri, Oct 16
Hólar
Oct 16, 4:00 PM – Oct 18, 2:00 PM
Hólar, Hólar, Iceland
Hólar í Hjaltadal er einn notalegasti og friðsælasti staður á Íslandi þó víða væri leitað. Þar er rekin fyrsta flokks ferðaþjónusta með fjölbreytta gistimöguleika og í vetur verða í boði stórskemmtilegar dekurhelgar sem eru tilvaldin fyrir pör og hópa.
Dekurhelgi og pararáðgjöf á Hólum
Fri, Oct 23
Hólar
Oct 23, 4:00 PM – Oct 25, 8:00 PM
Hólar, Hólar, Iceland
Hólar í Hjaltadal er einn notalegasti og friðsælasti staður á Íslandi þó víða væri leitað. Þar er rekin fyrsta flokks ferðaþjónusta með fjölbreytta gistimöguleika og í vetur verða í boði stórskemmtilegar og fræðandi dekurhelgar sem eru tilvaldin fyrir pör og hópa.
Dekurhelgi á Hólum
Fri, Oct 30
Hólar
Oct 30, 4:00 PM – Nov 01, 8:00 PM
Hólar, Hólar, Iceland
Hólar í Hjaltadal er einn notalegasti og friðsælasti staður á Íslandi þó víða væri leitað. Þar er rekin fyrsta flokks ferðaþjónusta með fjölbreytta gistimöguleika og í vetur verða í boði stórskemmtilegar dekurhelgar sem eru tilvaldin fyrir pör og hópa.
Villibráðar- hlaðborð
Sat, Nov 07
Hólar
Nov 07, 7:15 PM – Nov 08, 2:00 AM
Hólar, Hólar, Iceland
Kaffi Hólar bjóða upp á villibráðarhlaðborð þar sem úrvals hráefni og metnaður í matargerð eru í fyrirrúmi.
  • Facebook
  • Pinterest

Holar cottages and apartments  |  © 2020 by Hjaltadalur Travel LTD. 

booking@holar.is   |  +354 455 6333 & 849 6348  |  551 Sauðárkrókur, Hólar í Hjaltadal